सह्याद्रीमीत

 SRT  अल्ट्रानंतर 2 आठवडे आरामच झाला, पायाला दुखापत झाल्यामुळे शर्यत अर्धवट सोडावी लागली होती. रोज थोडा व्यायाम आणि स्ट्रेचिंग मुळे पायांची रिकव्हरी लवकर झाली. आणि मग ह्या आठवड्यात काय करायचं हा विचार सुरू झाला, दोन तीन प्लॅन करून विस्कटल्यानंतर माझा आवडीचा K2S करायला एकटाच जायला निघालो... भालेराव सर आणि त्यांच्या सोबतचे नगरकर मंडळी K2S ला येणार होते पण ऐनवेळी प्लॅन बदलला आणि ते सिंहगडावर गेले.  11.30 ला जुन्या बोगद्यातून वाघजाई देवीच्या मंदिरावळ आलो, मंदिराजवळ गावातील काही मंडळी देवीच्या प्रसादाची तयारी करत होते. मंडळी बोलली आता उन्हात कुठं जाता भाऊ...  प्रसाद होतोय थांबा, खाऊन निवांत ऊन उतरलं की जा...  स्ट्रेचिंग करून मी दुपारी बरोबर 12 वाजता उन्हाच्या पाऱ्यात वाघजाई देवीच्या मंदिराजवळून ट्रेक सुरू केला.  SRT अल्ट्रा ची प्रॅक्टिस करत असताना स्ट्रेचिंगचे किती फायदे होतात ह्याचा अनुभव आलाय. जवळ जवळ सहा महिन्यांनंतर K2S करत होतो, त्यात सुर्यदेवमहाराज डोक्यावर आलेले, आणि पूर्ण रूट वर एकटाच...  हा ट्रेक जसा तुमच्या शारीरिक क्षमतेचा कस पाहतो तसंच तुमच्या म...